مافيه ماتبوس
طليت فمراية الگنوس
بغيت نشوف راسي
لقيت شلا نحوس
يقرقبوا فشي طواسي
هازين شلا ريوس
وانا راسي فقياسي
فيهم الحلو والمسوس
وفيهم الصخون والگاسي
منهم اللي مقيوس
عايش فريد رواسي
واللي فحياته منحوس
يگول مالگيت طاسي
هاللي عقله فالفلوس
بفعايله شيخ المراسي
هاللي مافيه ماتبوس
مطلي بالحموم كفوسي
هاداك فحاله مفقوس
فالمحاين والغرايب يقاسي
وهادا فگاشوشه محبوس
مالقى ليه من يواسي
واللي حداك مقروس
غالباه بنت الفاسي
وانا وانت بالسوس
واهلي واحبابي وناسي
كلشي اليوم ملبوس
باغي يطير فرناسي
بقلم ادريس جبيلو
المغرب
ليست هناك تعليقات:
إرسال تعليق